Cwrdd â'r Prynwr
Seminarau a Gweithdai
Arddangosfa
Cyflwyniad
Wedi’i drefnu gan Bwyd a Diod Cymru (Llywodraeth Cymru), BlasCymru/TasteWales 2023 fydd y pedwerydd digwyddiad masnach bwyd a diod rhyngwladol ar gyfer y diwydiant yng Nghymru.
BlasCymru/TasteWales yw digwyddiad masnach blaenllaw diwydiant bwyd a diod Cymru. Mae’n dod â chynhyrchwyr bwyd a diod o Gymru, prynwyr cenedlaethol a rhyngwladol a gweithwyr proffesiynol y diwydiant bwyd ynghyd, a bydd y digwyddiad deuddydd yn cynnig cyfle heb ei ail i rwydweithio â rhanddeiliaid blaenllaw yn y diwydiant o bob rhan o’r byd.
Yn cynnwys arddangosfa o’r cynnyrch gorau sydd gan Gymru i’w gynnig, bydd y digwyddiad yn:
– Arddangos cynhyrchwyr a'u cynnyrch i gynulleidfaoedd cenedlaethol a rhyngwladol
– Broceru perthnasoedd rhwng cynhyrchwyr a phrynwyr trwy gyfarfodydd partneru
– Cynnwys ardaloedd thema yn arddangos y gorau o fwyd a diod Cymru, ynghyd â rhaglen seminar ddifyr gydag arbenigwyr blaenllaw yn y diwydiant
Broceriaeth masnach yn cysylltu prynwyr a chynhyrchwyr
Wrth galon BlasCymru/TasteWales bydd y broceriaeth busnes-i-fusnes.
Mae hwn yn wasanaeth pwrpasol ac unigryw sy'n paru prynwyr a chynhyrchwyr ar gyfer sgyrsiau masnach hynod effeithlon.
Am fwy o fanylion ac os oes gennych ddiddordeb mewn cymryd rhan, os ydych yn brynwr cysylltwch â buyers@tastewales.com;
os ydych yn gynhyrchydd, cysylltwch â producer@tastewales.com. Rydym yn hapus i helpu.
Llwyddiant y Digwyddiad
Dyma brif lwyddiannau BlasCymru/TasteWales 2021:
- Dros 927 o gynadleddwyr wedi cymryd rhan.
- Dros 1695 o gyfarfodydd busnes un-i-un wedi cael eu hwyluso.
- Lansio 244 o gynhyrchion bwyd a diod newydd ac arloesol o Gymru.
- Dros 200 o brynwyr masnachol wedi dod i’r digwyddiad, i gwrdd â dros 102 o gynhyrchwyr bwyd a diod o Gymru.
Arloesi sy'n arwain y byd
Bydd y digwyddiad yn cynnwys cyfres o ardaloedd thema sy'n tynnu sylw at rai o'r datblygiadau diweddaraf ym myd bwyd a diod. Mae’r rhain yn cynnwys:
Ardal Ryngwladol: Cyllid Busnes, Allforio, Mewnfuddsoddi, Masnach Ryngwladol
Gan ddod â byd cyllid rhyngwladol, allforio a mewnfuddsoddi ynghyd, bydd yr ardal yn cynnwys cynrychiolwyr o:
- Gyllid a buddsoddi mewn twf busnes (BIC Innovation)
- Mewnfuddsoddi: Is-adran Fwyd Llywodraeth Cymru (Mewnfuddsoddi)
- Allforio: Is-adran Fwyd Llywodraeth Cymru (Bwyd a Diod Busnes Rhyngwladol)
- Cyd-destun masnach fyd-eang: Masnach Ryngwladol Llywodraeth Cymru (Swyddfeydd Tramor Llywodraeth Cymru)
Ardal Arloesedd: Ymchwil, Arloesedd, Technoleg, Sgiliau
Ardal yn arddangos rhywfaint o’r gwaith arloesol sy’n digwydd yng Nghymru ar hyn o bryd, ac yn hyrwyddo’r rhaglenni cymorth busnes, technoleg ac arloesi sydd ar gael i fusnesau bwyd a diod Cymru i’w helpu i ffynnu. Mae arddangoswyr yn cynnwys:
- Arloesi Bwyd Cymru
- AMRC Cymru
- Arloesi Aber
Ardal Cynaliadwyedd: Bwyd a Diod, Lletygarwch, Twristiaeth Cynaliadwy
Mae cynaliadwyedd wrth wraidd y Weledigaeth ar gyfer y Diwydiant Bwyd a Diod yng Nghymru o 2023. Bydd yr ardal hon yn arddangos arfer da, gan gynnwys ffermio fertigol, lleihau gwastraff bwyd, ac enghreifftiau cyffrous eraill o'r hyn y gall cynaliadwyedd ei wneud i fusnesau.
Rhanddeiliaid allweddol eraill yn y diwydiant
Bydd y digwyddiad hefyd yn cynnwys Hybu Cig Cymru, bwyd môr Cymreig, ac - yn bresennol ledled yr ardaloedd - ein clystyrau thema Clystyrau | Bwyd a diod (llyw.cymru)
Seminarau sy'n procio’r meddwl
Bydd y digwyddiad yn cynnwys amrywiaeth o sgyrsiau byr, wedi’u ffocysu, seminarau a gweithgareddau eraill gan gynnwys sesiynau blasu. Mae themâu allweddol yn cynnwys yr heriau a’r cyfleoedd y mae ein diwydiant bwyd a diod yn eu hwynebu ar hyn o bryd, megis sut mae cynaliadwyedd yn gwneud synnwyr busnes, y diweddaraf am dechnoleg newydd yn y diwydiant, hyd at gyllid a chymorth allforio.
Bydd y sesiynau’n cynnwys siaradwyr a phanelwyr o’r diwydiant, ac yn cynnwys cyfleoedd i rwydweithio dros fwyd a diod gwych o Gymru. Mae’r rhaglen yn esblygu’n gyson a byddwn yn rhannu newyddion pellach am siaradwyr a gweithgareddau maes o law.
Cysylltwch â ni os hoffech danysgrifio i'n cylchlythyr bwyd a diod i gael y newyddion diweddaraf.
Pwy ddylai fynychu?
Mae BlasCymru/TasteWales yn addas i chi os ydych chi’n gynhyrchydd yng Nghymru, yn brynwr cenedlaethol neu ryngwladol, neu’n ymwneud â’r canlynol:
- Gwasanaethau bwyd a lletygarwch, arlwyo, caffis, tai llety, gwestai, tafarndai a bwytai.
- Manwerthu – siopau delicatessen, siopau groser, siopau fferm, archfarchnadoedd a chwmnïau annibynnol.
- Y sector cyhoeddus – ysgolion, colegau, ysbytai.