Mae morlin a thirwedd ffrwythlon helaeth Cymru yn gwneud ei bwyd a’i diod yn ffres ym mhob ystyr. Mae brandiau blaenllaw’r byd, cynhyrchwyr artisan, ac entrepreneuriaid bwyd a diod yn cyfuno traddodiad ac arloesedd i gynnig y blasau gorau o Gymru.
Mae Cymru’n cynnig profiadau bwyd a diod lleol ledled y wlad mewn digwyddiadau dros dro a bwytai gwych. Gyda chymaint o ddewis, y benbleth fwyaf yw penderfynu ble i fynd a beth i'w fwyta!
Mae bwyd a diod yn rhan nodedig o’r hyn sydd gan Gymru i’w gynnig i dwristiaid. Ceir cyfuniad o fwyd tymhorol o safon a chynhwysion lleol, lleoedd diddorol i fwyta ac aros, a rhai o gogyddion gorau’r byd.
P’un a yw’n felys neu sawrus, yn gig neu’n llysieuol, dydy bwyd a diod o Gymru erioed wedi bod mor amrywiol. P’un a ydych yn mynd am bryd bwyd yn un o’n bwytai o’r radd flaenaf neu un o’n caffis cyfeillgar, neu’n chwilota drwy ddanteithion lleol mewn deli neu farchnad ffermwyr, bydd Cymru’n siŵr o ddod â dŵr i’ch dannedd.
Dewch i’n gweld ni yn y Parth Twristiaeth, a fydd yn rhan o ddigwyddiad trochi Croeso Cymru 360, lle cewch wneud y canlynol:
Rydyn ni hefyd yn cynnig sesiwn arbennig i noddwyr y Parth Twristiaeth, er enghraifft, cynnal profiad bwyta bendigedig i westeion arbennig.
Ewch i’r Parth Twristiaeth lle gallwn eich tywys drwy fwyd a diod adnabyddus o Gymru, fel Cig Oen Cymreig (Dynodiad Daearyddol Gwarchodedig), caws a wisgi, yn ogystal â rhywfaint o’r cynnyrch mwy newydd a llai adnabyddus, gan gynnwys gwin sydd wedi ennill gwobrau.
Gallwch gael gwybodaeth am y lleoedd gorau i fwyta ac yfed, bragdai a distyllfeydd, cynhyrchwyr bwyd a bwyd o Gymru.
